Miito

MAELEKEZO MUHIMU NA MAHITAJI YA KUJIUNGA

NA SHIRIKA LA WAKARMELI TANZANIA

Elimu: Wanaotaka kujiunga na Shirika la Wakarmeli wanatakiwa wawe na cheti cha kidato sita kulingana na utaratibu na  kanuni za Shirika na ufaulu wao ni lazima uwe wa Daraja la kwanza au la Pili au hata la Tatu lakini wawe na alama  mbili, (Two principles) (au wawe na cheti cha chuo kikuu, au Taasisi za elimu ya juu). Hii ni kwa mujibu wa taratibu za kujiunga na Shirika la Wakarmeli na Chuo Kikuu cha Morogoro. Kipindi cha kuanza kujifunza maisha ya Karmeli huanza wiki ya mwisho wa Julai. Ni kipindi ambacho matokeo yao  ya shule huchunguzwa na hujifunza maisha ya awali ya Wakarmeli. Barua ya maombi ya kujiunga na Shirika, kwa wale ambao baada ya miezi mitano ya majaribio wanajisikia ameitwa Karmeli, huandika barua ya kuomba kujiunga na Shirika kabla ya kwenda likizo fupi. Kwa muda huo Shirika hutathmini mwelekeo wao. Vijana hupewa taarifa ya kuitwa rasmi kujiunga na Shirika wakiwa nyumbani. Likizo yao huanza Desemba hadi Januari. Wanaporudi kutoka nyumbani, hutakiwa kuleta barua ya maoni kutoka kwa maparoko  wao (Parokiani) (kama ni lazima), cheti cha kidato cha nne na kivuli cha matokeo ya  kidato sita. Au matokeo mengine ya chuo kikuu au taasisi ya elimu ya juu. Toka mwezi wa kwanza hadi mwezi wa saba huendelea na mafunzo ya Shirika na ya Utawa kwa ujumla. Mwezi wa kumi huanza masomo ya falsafa.

Malezi ya wanafunzi Wakarmeli wa kwanza nchini Tanzania

Mwaka 2014 Julai vijana wanne walifika Bunju kuanza uzoefu wa maisha, ya Karmeli. Baada ya mwaka mmoja wa uzoefu, walipenda maisha ya Wakarmeli na kuteuliwa na Shirika kuendelea na malezi. Tarehe 2 Novemba, 2015 walifika Morogoro kuanza falsafa kwenye Chuo cha Jordan (Jordan University College). Majina yao ni Dicksoni Sambala, Athanas Ngasa, Pascal m. Dominic na Deogratias Peter. Kulingana na changamoto za malezi na wito kijana mmoja aliondoka na kurejea nyumbani mwaka 2016. Kwa sasa kuna wanafunzi tatu (3) (postulants) ambao wamemaliza mwaka wa kwanza wa falsafa. Baada ya masomo ya falsafa, kwa wanao chaguliwa kuendelea, hutumwa nchini Zimbabwe kwa ajili ya noviziato. 


Mwaka huu wa 2016 tunatarajia kupokea vijana wengine.